Nagpapatuloy na ang pagsisilbi ng show cause order laban sa ilang provincial bus operator dahil sa paglabag sa ipinatupad na window hour scheme.
Ito ang kinumpirma ni Land Transportation Franchising and Regulatory Board (LTFRB) Executive Director Kristina Cassion sa gitna ng pagka-stranded at mistulang pagiging hostage ng mga pasahero sa demand ng bus operators.
Hindi naman tinukoy ni Cassion kung ilan na ang bilang ng binigyan ng show cause order na kung saan hihingan ng paliwanag ang mga operator kung bakit hindi sila dapat patawan ng parusa.
Nabatid na sa nabagong travel scheme, 10 ng gabi hanggang alas singko ng umaga lamang pwedeng pumasok ang mga naturang bus sa kanilang pribadong terminal ngunit maaaring gamitin ng mga ito ang integrated terminal exchange sa labas ng window hours. – sa panulat ni Airiam Sancho
