Kinumpirma ng Eastern Mindanao Command na anim ang namatay matapos ang pagbagsak ng isang military helicopter sa Barangay Sabud, Loreto, Agusan del Sur.
Lulan ng nasabing helicopter ang anim na miyembro ng Philippine Air Force — dalawang piloto at apat na crew — na patungo sana sa Tactical Operation Group 10 sa Butuan City.
Naka-deploy ang nasabing aircraft para sana magsagawa ng humanitarian assistance at disaster response sa mga nasalanta ng Bagyong Tino.
Sa ngayon, nagpapatuloy pa ang imbestigasyon at inaalam ang sanhi ng pagbagsak ng nasabing aircraft.
—sa panulat ni John Riz Calata
