Tiniyak ng Philippine Drug Enforcement Agency (PDEA) ang buong pakikiisa nito sa prosesong ligal tungkol sa isinampang kaso laban sa mga tauhan nito at ng Pulisya.
Kaugnay ito sa madugong misencounter ng PNP at PDEA sa harap ng isang mall sa may bahagi ng Commonwealth Avenue, Quezon City noong Pebrero.
Ayon kay PDEA Dir/Gen. Wilkins Villanueva, isa aniya itong pagkakataon para sa kanila upang masagot ang lahat ng alegasyon sa dalawang panig at upang makamit ang katarungan.
Wala rin aniya itong epekto sa kanilang patuloy na paglaban sa iligal na droga katuwang pa rin ang PNP bilang nagsasalo naman sila sa iisang adhikain. —sa ulat ni Jaymark Dagala (Patrol 9)
