Itinigil pansamantala ng pamunuan ng Labor Department ang kanilang TUPAD program sa Quezon City dahil sa ilang reklamo.
Ayon kay labor secretary Silvestre Bello III, nakipag-ugnayan na sa kanya si QC mayor Joy Belmonte tungkol sa naturang isyu.
Giit ni Bello na agad silang magsasagawa ng imbestigasyon para maresolba ang naturang reklamo.
Magugunitang inireklamo ng ilang mga benepisyaryo ng naturang cash for work program na hindi anila naibibigay ng buo ang kanilang sahod dahil hinahati ito ng ilang mga opisyal ng lungsod.
