Pina-iimbestigahan ni PNP Chief Director General Ronald Bato Dela Rosa ang pagpatay sa anak ng isang dating pulis sa Antipolo City.
Ayon kay Dela Rosa pinakilos na niya ang PNP Region 4a para imbestigahan ang naturang kaso matapos umapela sa Pangulong Rodrigo Duterte si retired Police Officer Alfredo Jebulan na bigyang katarungan ang pagpaslang sa anak na si Yani.
Kasabay nito ang banta ng dating pulis na siya ang papatay sa mga pumaslang sa kaniyang anak kapag nalaman niyang mga pulis ang mga ito
Si Yani, 21 anyos at 3rd year psychology student ng Our Lady of Fatima University-Antipolo Campus ay pinagbabaril ng mga suspek na sakay ng isang motorsiklo nuong Sabado ng gabi.
By: Judith Larino
