Kumpiyansa ang Department of National Defense at ang Armed Forces of the Philippines (AFP) na unti-unti nang nagagapi ng Pamahalaan ang puwersa ng mga Komunista na siyang matagal nang nagpapahirap sa Sambayanang Pilipino.
Ito’y makaraang ibilang na ng Anti-Terrorism Council ang National Democratic Front (NDF) sa listahan ng mga Terroristang Grupo kahanay ng Communist Party of the Philippines – New People’s Army (CPP-NPA).
Ayon kay Defense Sec. Delfin Lorenzana, habang patuloy sa pag-atake ang mga bandidong CPP-NPA, patuloy naman sa panghihikayat ang NDF ng mga bagong kasapi para sa kanilang armadong pakikibaka.
Para naman sa AFP, malaki ang maitutulong ng desisyong ito ng Anti-Terrorism Council dahil mapapatatag nito ang kanilang pagnanais na durugin at supilin ang terrorismo sa pamamagitan ng pagpigl sa mga komunista na humikayat ng kanilang mga miyembro.
Tiwala rin ang AFP na ilang hakbang na lamang ay ganap nang makakamit ang kapayapaan at mapapalaya na rin ang mga komunidad mula sa banta ng terrorismo. —ulat mula kay Jaymark Dagala (Patrol 9)
