Pinayagan na ng Inter-Agency Task Force on Emerging Infectious Diseases (IATF) ang pagbubukas ng gym, fitness studios at iba pang indoor non-contact sports sa NCR plus.
Ayon kay Presidential Spokesperson Harry Roque, batay sa naging pulong ng IATF kagabi, pinayagan ang pagbubukas ng mga nabanggit na establisyemento na may safety seal certifications tulad ng skating rinks at racket sports hanggang 30% venue capacity galing sa department of trade and industry at DOH.
Maliban dito, pinayagan na rin aniya magbukas ang mga historical sites at museums sa NCR plus areas hanggang 20% venue capacity.
Paalala lang ni roque, kailangang tiyakin pa rin ang pagsunod ng mga tao sa health at safety protocols upang maiwasan ang pagkalat ng COVID-19.
