Magpapatupad ng paghihigpit ang Philippine National Police (PNP) sa kanilang ibiniibgay na security package sa mga kandidato.
Ito’y ayon kay PNP Spokesperson, P/Col. Jean Fajardo ay lalo’t inaasahan nila ang mas mainit na tunggalian sa pagsisimula ng kampaniya sa lokal na lebel bukas, Marso 25.
Una nang iginiit ni PNP Chief P/Gen. Dionardo Carlos sa mga kandidato na sundin lagi ang mga panuntunang inilatag ng Commission on Elections (COMELEC) sa pagkakasa ng mga rally, assemblies at iba pang mga kahalintulad na political activity.
Aminado si Fajardo na kanilang inaasahan ang dagsa ng publiko na makikilahok sa mga kampaniya kaya’t agad na nila itong napaghandaan.
Sa kasalukuyan ay patuloy aniya ang ginagawang validation ng PNP sa pagtukoy ng mga Election Hotspot areas at kanila itong isusumite sa COMELEC na siya namang maglalabas nito sa publiko. – ulat mula kay Jaymark Dagala (Patrol 9)