Nagbabala si dating Health Secretary at ngayo’y Iloilo Representative Janette Garin sa mga naturukan na ng bakuna kontra COVID-19 na ‘wag maging kampante.
Ito’y ayon kay Garin matapos mapag-alaman ang ilang mga balita na karamihan sa mga naturukan na ng unang dose ng bakuna ay tila nagiging kampante na at hindi na nagsusuot ng face mask.
Giit ni Garin, ang kanilang mga natanggap na bakuna ay hindi agarang proteksyon.
Ani Garin, ito’y dahil kailangan pa ng sapat na panahon ng bago umepekto sa isang tao ang itinurok na anti-bodies sa katawan kontra COVID-19.
Sa huli, iginiit ni Garin sa mga nakatanggap na ng unang dose ng bakuna na habang hinihintay ang ikalawang dose nito ay manatiling sumusunod sa mga health protocols gaya ng pagsusuot ng face mask at shield, gayundin ang physical distancing.
