Bigo pa rin ang mga mambabatas na maipasa ang pagsusulong na ma-amiyendahan ang economic provisions ng Saligang Batas o Economic Cha-Cha.
Sa adjournment sine die o pagtatapos ng sesyon ng Kongreso kahapon, hindi man lang nakaabot sa botohan ang Resolution of both Houses Number 1.
Bagkus, isinulong na lamang ni House Speaker Sonny Belmonte ang adjournment ng sesyon hanggang Hulyo 27 na siyang araw ng huling State of the Nation Address o SONA ni Pangulong Noynoy Aquino.
Magugunitang naging maingay ang liderato ng mababang kapulungan sa pahayag na maipapasa nila ang Economic Cha-Cha bago matapos ang sesyon ngunit hindi ito nangyari kahapon.
By Jaymark Dagala
