Handang ibigay ng lokal na pamahalaan ng Kiamba sa Sarangani ang pabuya para sa sinumang nakapagturo sa napatay na terrorist leader na si Mohammad Jaafar Maguid alyas Tokboy.
Ayon kay Kiamba Mayor Raul Martinez, tila nabunutan sila ng tinik makaraang mapaulat ang pagkakapatay kay Maguid na aniya’y kinatatakutan sa kanilang lalawigan.
Bukod sa pambobomba, sinabi ni Martinez na sangkot din si Maguid at ang grupo nito sa iba’t ibang krimen tulad ng pagpatay, extortion, roberry at iba pa.
Magugunitang naglaan ang pamahalaang panlalawigan ng P200,000 ang lokal na pamahalaan ng General Santos City habang P100,000 naman ang inilaan ni Mayor Martinez kapalit ang ulo ni Tokboy.
By Jaymark Dagala
