Pinayagan na ng Court of Appeals (CA) si Nobel Peace Prize winner at veteran broadcast journalist Maria Ressa na lumabas ng bansa upang dumalo sa serye ng lectures sa Harvard Kennedy School sa Boston, Massachusetts, U.S.
Sa resolusyon ng CA, inaprubahan ang urgent motion to travel abroad ni Ressa makaraang mapatunayan na kailangan o mahalaga ang biyahe nito at na hindi siya flight risk.
Inaprubahan din ng korte ang hiling ng Rappler CEO na bisitahin ang mga magulang sa Florida.
Ipina-alala naman ng Appellate Court na mula Oktubre 31 hanggang Disyembre 2 lamang ang travel period na ipinagkaloob kay Ressa at ang mga nabanggit na itinerary lamang ang pupuntahan.
Inatasan din si Ressa na maglagak ng travel cash bond na kalahating milyong piso.
Kasalukuyang nahaharap ang award-winning journalist sa kasong tax evasion. —sa panulat ni Drew Nacino