Lumagda na ang Commission on Elections (COMELEC) ng 535.99 milyon peso contract sa F2 Logistics, na kumpanyang pag-aari ni Davao businessman Dennis Uy.
Para ito sa delivery ng mga balota, vote-counting machines, at iba pang election paraphernalia na gagamitin 2022 national at local elections.
Nilagdaan nina COMELEC Commissioner Sheriff Abas at F2 Logistics President Efren Uy ang kasunduan noong Oktubre 29.
Una nang tinutulan at kinuwestiyon ng Grupong Kontra Daya ang naturang kasunduan dahil umano sa conflict of interest lalo’t si Uy ay kilalang supporter at campaign donor ni Pangulong Rodrigo Duterte.
Alinsunod sa 32 pahinang kontrata, ang F2 Logistics ang maghahawak ng forward at reverse logistics sa mga kagamitan na may kinalaman sa automated election system. —sa panulat ni Drew Nacino