Muling iginiit ng NDRRMC na delikado na ang bumiyahe ngayon at bukas patungong Bicol at Samar.
Ayon kay NDRRMC Spokesperson Romina Marasigan, kapag itinaas na mamayang gabi ang Signal Number 1 sa Bicol region, maaaring makansela na ang mga byahe sa mga barko at bus pa Bicol at Samar.
Kaya payo ng ahensya sa mga biyahero, kung ayaw mag pasko sa pantalan, pahupain na lang muna ang bagyo bago tumungo sa mga probinsya.
Samantala, ligtas pa umanong bumiyahe pa Norte, partikular sa Baguio City.
Pero posibleng ulanin nang bahagya ang nasabing syudad.
Ngunit hindi dahil sa bagyong Nina kundi dahil naman sa Amihan.
By: Avee Devierte / Jonathan Andal
