Syento por syento nang handa ang National Capital Region Police Office sa gaganaping Miss Universe Pageant sa Lunes, Enero 30.
Sa press briefing sa Camp Crame, sinabi ni NCR Police Office Chief Police Director Oscar Albayalde na nakapag dry run at roof and ground security inspection na sila sa Mall of Asia Arena sa Pasay City.
Mahigit 1,800 mga pulis, aniya, ang ipakakalat sa venue at higit 200 dito ang tututok sa loob ng arena.
Samantala, sinabi ni Albayalde na hindi magpapatupad ng rerouting scheme, cellphone signal jam, at no fly zone sa MOA Arena sa Lunes.
By: Avee Devierte / Jonathan Andal
