Suspindido muna ang dalaw sa Building 14 at maximum security compound ng New Bilibid Prisons.
Ayon kay Bureau of Corrections officer-in-charge Rolando Asuncion, ito ang desisyon ng pamunuan ng PNP Special Action Force matapos ang naging riot.
Gayunpaman, tuloy pa rin naman, aniya, ang dalaw sa medium at minimum security compound ng bilibid.
Sumiklab ang riot ng ilang inmate sa building 14 na ikinasawi ni Tony Co at ikinasugat nina Jaybee Sebastian, Peter Co, Vicente Sy, at dating Chief Inspector Clarence Dongail.
Ayon kay Asuncion, nagsumbong ang presong si Edgar Cinco kay Dongail makaraang makita nito na nagpo-pot session si Peter Co sa kanyang kama kasama sina Tony Co at VICENTE sy.
Sinita umano ni Dongail ang tatlong Chinese inmate.
Tila minasama ng tatlo ang pagsita sa kanila kaya sinugod umano nila si Dongail.
Samantala, matagal nang kaalitan ng tatlo si Sebastian.
By: Avee Devierte
