Nagbabala ang Bureau of Customs o BOC sa mga magpapangagap na kamag-anak ni Pangulong Rodrigo Duterte.
Ayon kay Customs Commissioner Nicanor Faeldon, may ipinakitang sulat na pirmado ni Executive Secretary Salvador Medialdea ang isang Ariel Roa Victorino na nagsasabing siya na ang papalit kay Faeldon bilang Customs Commissioner.
Modus umano ni Victorino na gamitin ang naturang sulat upang makapangikil.
Sunud-sunod na reklamo ang natanggap ng Bureau of Customs mula sa mga kawani, brokers, at importers ng ahensya tungkol sa panghihingi ni Victorino ng pera kapalit ng proteksyon.
Napag-alaman ng Bureau of Customs na marami ng kaso ng estafa at fraud si Victorino sa iba’t ibang korte.
By Avee Devierte |With Report from Aya Yupangco
