Nagsagawa ng inspeksyon sa ilang bus terminal ang mga tauhan ng Metropolitan Manila Development Authority (MMDA) at Inter Agency Council for Traffic (I-ACT).
Ito ay kasunod ng inaasahang pagdagsa ng mga pasaherong uuwi sa kani kanilang mga probinsya para sa paggunita ng Undas ngayong taon.
Ayon kay MMDA Chairman Danilo Lim, nagpaskil sila ng mga “no smoking” signages sa mga bus at sa loob ng terminal sa Cubao.
Kasama ito sa mga paalala sa mga pasahero, drivers at konduktor para sa kanilang pagbiyahe, partikular na sa umiiral na nationwide smoking ban.
Sa ngayon ang Five star, Victory liner, Jam at Jac liner bus terminals na ang naiinspeksyon ng MMDA.
