Milyun-milyong manggagawa sa informal sectors ang apektado ng maraming holiday.
Ipinabatid ito ni Associated Labor Unions-Trade Union Congress of the Philippines o ALU – TUCP Spokesman Alan Tanjusay matapos ideklara ng Pangulong Rodrigo Duterte ang special non-working holidays sa Nobyembre 13 hanggang 15 kaugnay sa pagdaraos ng Association of Southeast Asian Nations o ASEAN summit sa bansa.
Sinabi sa DWIZ ni Tanjusay na karamihan pa sa mga manggagawang ito ay mabababa ang suweldo.
Informal sectors o ‘yung mga informal economy workers. ‘Yung mga vendor, tricycle drivers, pedicab drivers, ‘yung mga tindera.
So, maaapektuhan sila nito pero ‘yung mga manggagawa na monthly paid, buwanan na sahod, eh ‘yung mga manggagawa na regular at may mga union, hindi sila maaapektuhan nito dahil bayad naman na ‘yung kanilang araw na pagtatrabaho kahit holiday.
Advantage sa kanila pero itong sinasabi ko ang maapektuhan ay ‘yung mga milyun-milyong informal sector workers, na may pinakamababa at pinamaliit na sahod.
