Suspendido ang isinasagawang voter’s registration ng Comelec para sa 2026 Barangay at Sangguniang Kabataan Elections sa Eastern Visayas bunsod ng epekto ng Bagyong Tino.
Ayon kay Comelec Chairman George Erwin Garcia, nagsasagawa na ng inventory ang local poll offices sa mga apektadong lugar at iniinspeksyon na rin kung may nasira bang Comelec equipment dahil sa matinding pag-ulan.
Magpapatuloy naman ang application ng mga botante sa oras na maideklarang ligtas na ang mga lugar na hinagupit ng Bagyong Tino.
—Sa panulat ni Mark Terrence Molave
