Uminit ang ulo ni Transportation Secretary Giovanni Lopes matapos makita ang kalagayan ng Baclaran Station ng LRT-1.
Sinita ni Acting Secretary Lopez ang mga hindi persons with disabilities at senior citizen-friendly na istasyon.
Bukod sa marumi, sarado ang passageways na daanan ng mga pasahero at iniwang nakatiwangwang lang ang ginagawang walkway.
Labis ding ikinadismaya ng kalihim ang napag-alamang apat na taon nang walang suplay ng tubig sa mga palikuran.
Agad ding inutusan ng kalihim si Light Rail Transit Authority Administrator Hernando Cabrera na tutukan ang aksyon ng Light Rail Manila Corporation, private operator ng LRT-1, para agarang maisaayos ang Baclaran Station.
Dahil dito, binigyan na lamang ng hanggang katapusan ng taon na palugit ang LRMC para ayusin ang naturang istasyon.
