Arestado ang dalawang lalaki matapos mahuling nagsusugal sa Malate, Maynila.
Ayon sa imbestigasyon, kinilala ang mga suspek na sina Allen Zaragoza, at Eduardo Barrera na nahuli sa aktong nagkakara-krus sa Leon Guinto street habang nagsasagawa ang awtoridad ng simultaneous anti-criminality law enforcement operation o SACLEO.
Nakumpiska sa dalawa ang tatlong barya na ginamit sa kara-krus at perang pamusta na P260 habang nakuha mula kay barrera ang isang baril na kargado ng bala.
Nahaharap naman ang mga suspek sa kasong ilegal na pagsusugal, habang papatawan si barrera ng kasong illegal possesion of firearm and ammunition at resistance and disobedience to a person in authority.—mula sa panulat ni Airiam Sancho