Umalma si Vaccine Czar Carlito Galvez, Jr. ang kumakalat na presyo ng mga bakuna sa iba’t-ibang social media platforms.
Sa katunayan ipinabatid ni Galvez na ang presyo ng mga bakuna sa Covax facility, ang global risk sharing mechanism para sa pagbili at pantay na access sa mga bakuna ay tatlong daang porsyentong mas mababa sa market prices.
Hindi aniya maaaring isapubliko ang presyo ng mga bakuna dahil mayroong confidentiality agreement ang kanilang negosasyon.
Muling tiniyak ni Galvez sa publiko na ligtas at epektibo ang bibilhing gamot ng pamahalaan.
Sinabi ni Galvez na mayroon silang hawak na portfolio ng mga bakuna kung saan nakapaloob dito ang brand names at manufacturers ng mga bakuna na dini-develop pa.
Binigyang diin ni Galvez na anumang desisyon ng gobyerno ay nakabase sa rekomendasyon ng vaccine experts at dadaan sa mahigpit na evaluation at selection process ng Food and Drug Administration para tiyaking epektibo at ligtas ang mga nasabing bakuna.
