Kinumpirma ni Customs Commissioner Ariel Nepomuceno na naibenta na ang lahat ng labingtatlong mamahaling sasakyan na pag-aari ng nakapiit na contractors na sina Curlee at Sarah Discaya.
Ayon kay Commissioner Nepomuceno, aabot na sa kabuuang 114.7 million pesos ang kinita ng BOC sa pagsubasta sa lahat ng luxury vehicles ng mga Discaya na kinumpiska noong 2025.
Kabilang sa mga pinaka-huling nabenta ang GMC XL Yukon Denali sa halagang 3.2 million pesos; Cadillac Escalade, 3.7 million; Maserati Levante Modena, 2 million; at GMC Yukon Denali, 3.3 million pesos.
Bukod sa mga sasakyan, naibenta rin ang iba pang forfeited goods gaya ng truck replacement parts at steel tubes habang ire-remit ng BOC ang kinita sa Bureau of the Treasury.
Ang hakbang anyang ito ay sumasalamin sa commitment sa katapatan, pananagutan, at determinadong aksyon sa pangangasiwa sa mga forfeited assets.
