Nagbabadya ang mas malalakas na bagyo at matinding habagat sa gitna ng posibleng pag-iral ng El Niño phenomenon sa bansa.
Ibinabala ito ng PAGASA kasabay ng napipintong pagpasok ng tag-ulan ngayong huling linggo ng Mayo sa unang bahagi ng Hunyo.
Pinaghahanda na rin ng PAGASA ang publiko sa posibleng mas maulang panahon na maranasan sa oras na pumasok na ang habagat mula Hunyo hanggang Agosto partikular na sa kanlurang bahagi ng bansa.
Bagaman mas kaunti anila ang mga inaasahang bagyo habang umiiral ang El Niño, posibleng mas malakas ang mabubuong mga bagyo na nasa typhoon o super typhoon category.
