Inaprubahan na ng Senate Impeachment Court ang pagpapalabas ng mga subpoena sa apat na indibidwal na nakatakdang tumestigo kaugnay ng umano’y maling paggamit ni Vice President Sara Duterte ng 612.5 million pesos confidential funds.
Kabilang sa mga ipapatawag sa pagdinig sa Hulyo 22 sina:
- Marivic Pareja ng House Legislative Archives and Museum Management Service;
- Dating Land Bank branch managers na sina Violeta Constantino at Nenita Camposano;
- Gayundin si Land Bank President at C.E.O. Lynette Ortiz na inatasang magsumite ng mga kaugnay na dokumento.
Ipapasubpoena ang mga nabanggit na personalidad kaugnay sa Article 1 ng Articles of Impeachment, na tumatalakay sa maling paggamit ng confidential funds ng Office of the Vice President at Department of Education nang panahong pinamunuan ito ng Bise Presidente. | Sa panulat ni Jordan Gutierrez
