Patay matapos pagbabarilin sa magkahiwalay na insidente ang dalawa umanong supporter ni Negros Oriental Governor Roel Degamo.
Kinilala ang mga biktimang sina Toto Bawega at Wenifred Abrasaldo.
Si Bawega ay pinagbabaril sa Barangay Minaba, Bayawan City noong Lunes habang si Abrasaldo ay pinatay habang kumakain sa karinderya sa Barangay Boyco noong Martes.
Kinundena naman ni Degamo ang pagpaslang at iginiit na pulitika ang motibo sa krimen habang kanya namang hinimok ang PNP at COMELEC na ideklara bilang election hotspot ang Bayawan.
Muling tumatakbo si Degamo sa pagka-gobernador pero isang petisyon ang inihain sa poll body upang kanselahin ang kanyang certificate of candidacy dahil naka-tatlong termino na ito simula 2013.