Papayagan nang lumabas ang mga senior citizens sa mga lugar na nasa ilalim na lamang ng general community quarantine (GCQ) simula bukas, Biyernes, ika-1 ng Mayo.
Gayunman, nilinaw ni Department of the Interior and Local Government (DILG) Secretary Eduardo Año na ang mga ito ay yung mga senior citizens na nagtatrabaho sa mga industriya na papayagan nang mag-operate simula bukas.
Ayon kay Año, papayagan ring makalabas ang mga senior citizens na walang kasamang nakababata sa bahay para bumili ng pagkain at ibang pangangailangan.
