Nakatutok na ang buong mundo sa Pilipinas para sa coronation ng ika-65 Miss Universe ngayong araw.
Ganap na alas-8:00 ngayong umaga, rarampa na ang 86 na kandidata mula sa iba’t ibang bansa sa mundo.
Samantala, alas-5:00 pa lang kaninang umaga ay nagsimula nang dumagsa ang mga manonood sa Mall of Asia Arena.
Sa panayam ng DWIZ kay Tourism Assistant Secretary Ricky Alegre, sinabi nitong ramdam na ang excitement ng publiko sa pagdaraos ng Miss Universe.
Tiniyak ni Alegre na magiging magandang promotion ang patimpalak para sa Pilipinas partikular sa pagdami ng mga dumadating na turista sa bansa.
Muling nanawagan si Alegre sa publiko ng pagkakaisa sa matagumpay na Miss Universe pageant ngayong araw.
*Interview from: Ratsada Balita
Photo Credit: Miss Universe / Twitter
