Hindi pa pinapalaya ng Senate Blue Ribbon Committee ang mga sangkot sa kontrobersya sa Bureau of Customs o BOC na sina Richard Tan at Manny Li.
Sinabi ni Committee Chair Richard Gordon na bagamat sumagot sina Tan at Li sa mga katanungan ng mga Senador nakukulangan pa aniya sila sa mga sagot o impormasyong ibinigay ng mga ito.
Bukod pa ito sa pangamba ng NBI o National Bureau of Investigation na makapuslit ng bansa sina Tan at Li kaya’t hiniling ng ahensya na i-custody muna ng Senado ang mga ito.
Sina Tan at Li ay kabilang sa pinapasailalim sa Hold Departure Order dahil sa pagkakasangkot sa shabu shipment.
Samantala handa si Gordon na mag isyu ng preliminary report dahil mayruon aniyang malinaw na sangkot at dapat managot sa lumusot na shipment ng malaking halaga ng shabu mula sa China.
By Judith Larino / (Ulat ni Cely Bueno)
