Muli na namang nadagdagan ang bilang ng mga Pilipino sa ibang bansa na apektado ng sa coronavirus disease 2019 (COVID-19).
Ipinabatid ng DFA na hanggang kahapon, Abril 13 nasa 660 Pinoy sa 40 bansa at rehiyon ang kumpirmadong positibo sa nasabing virus.
Sa naturang bilang halos 400 ang patuloy na ginagamot sa ibat ibang ospital at halos 200 naman ang naka recover na sa COVID-19.
Nasa walumput apat naman ang bilang ng mga Pinoy sa ibayong dagat na nasawi dahil sa nasabing virus.
Pinakaraming kaso ng kumpirmadong COVID-19 positive na Pinoy sa Asia Pacific Region na may 230 kaso na sinundan ng Europe 220 kaso, Middle East/Africa 83 at Americas 127 kaso.
