Inilabas na ang listahan ng mga bagong kaalyado ni Chinese President Xi Jinping para sa makapangyarihang Politburo Standing Committee ng kanilang communist party.
Inanunsyo ang mga miyembro ng komite sa isang serimonya sa Great Hall of the People sa Beijing.
Kabilang sa mga pinangalanang bagong kaalyado ay sina Premier Li Keqiang, Li Zhanshu, Wang Yang, Wang Huning, Zhao Leji at Han Zheng.
Ginanap ito sa pagtatapos ng Communist Party National Congress na siyang pinakamalaking kaganapang pulitikal sa China na ginaganap kada limang taon.
