Nagkasa na ng import ban ang Saudi Arabia laban sa Lebanon habang binigyan nito ng dalawang araw ang Lebanese ambassador para lisanin ang kanilang bansa.
Ginawa ng Saudi ang hakbang kasunod ng pagkalat ng footage kung saan binabatikos ng isang minister ng Lebanon ang pakikipaggiyera ng Saudi Arabia-led coalition sa Yemen.
Maliban dito, bawal na ring bumiyahe patungong Lebanon ang mga mamamayan ng Saudi habang pinauuwi na rin ang kanilang ambasador.
Samantala, inatasan na rin ng Kingdom of Bahrain ang Lebanese ambassador na lisanin ang kanilang bansa sa loob ng 48 hours dahil sa kaparehong rason.
