Padami na ng padami ang mga pasahero at bakasyonista na dumarating sa Ninoy Aquino International Airport (NAIA), tatlong araw bago ang Pasko.
Alas-5:00 pa lamang kaninang madaling araw ay naranasan na ang mahabang pila sa NAIA Terminal 3 Departure Area.
Karamihan sa naturang mga biyahe ay mga bakasyonista na nais idaos ang Pasko sa labas ng Metro Manila.
Kasabay nito, patuloy ang paalala ng Manila International Airport Authority (MIAA) sa mga may flight ngayong nalalapit na Kapaskuhan na agahan ang pagtungo sa NAIA dahil sa inaasahang dami ng mga magsisipagdagsang pasahero.
By Ralph Obina
