Tinukoy na ng Department of Science and Technology (DOST) ang mga ospital na pagdarausan ng clinical trials para sa COVID-19 vaccines.
Ito’y ayon kay DOST Sec. Fortunato Dela Peña matapos lumagda ang pilipinas sa limang kumpaniya para sa confidentiality data agreement hinggil sa pagsasagawa ng clinical trials sa bansa.
Kabilang sa mga kumpaniyang ito ay mula sa China, Taiwan, Russia at Australia.
Ani dela peña, pag-aaralan munang maigi ng mga vaccine expert panel ang resulta ng trials na ginawa ng nasabing mga bansa bago nila iyendorso sa Food and Drugs Administration (FDA).
Kabilang sa mga lugar na tinukoy ng ahensya ay ang Philippine General Hospital, Manila Doctors Hospital at San Lazarro Hospital sa Maynila; St. Luke’s Medical Center at Lung Center of the Philippines Sa Quezon City; Pasig Doctors Medical Center.
Gayundin ang Research Institute for Tropical Medicine (RITM) sa Muntinlupa; Makati Medical Center; De La Salle University Medical Center Sa Cavite; Vicente Sotto Medical Center sa Cebu at Chong Hua Hospital sa Davao.
