Nagpalabas ng Ad Interim Appointment si Pangulong Rodrigo Duterte para sa mga miyembro ng gabinete na hindi nakalusot sa makapangyarihang Commission on Appointments.
Kabilang sa mga binigyan ng Ad Interim Appointment sina Environment Secretary Gina Lopez, Agrarian Reform Secretary Rafael Mariano, Social Welfare and Development Secretary Judy Taguiwalo at Health Secretary Paulyn Ubial.
Magugunitang nabigong kumpirmahin ng makapangyarihang komite ang apat na miyembro ng gabinete bunsod ng iba’t ibang kadahilanan.
Partikular na riyan si Lopez na tila dumaan sa butas ng karayom sa huling pagsalang nito sa confirmation hearing makaraang ipasara ang ilang minahan sa bansa na sumira sa kalikasan at buhay ng mga mamamayan.
By: Jaymark Dagala / Aileen Taliping
