Bantay-sarado na ng pulisya ang 1-km quarantine zone sa Pampanga na sinasabing apektado ng bird flu.
Ayon kay PNP o Philippine National Police Region 3 Director Chief Superintendent Aaron Aquino, naglatag na sila ng mga checkpoint kasama ang Bureau of Animal Industry o BAI para kontrolin ang mga lalabas at papasok sa lugar.
Aniya partikular na hinaharang ang mga nagtatangkang maglabas ng manok at itlog mula sa loob ng quarantine zone.
May ilan na umanong nagtangkang gawin ito at nagreklamo pero hinahayaan na lang ng pulisya na ang mga kinatawan ng BAI ang magpaliwanag sa mga ito.
Babala naman ni Aquino, aarestuhin nila ang sinumang magpupumilit na maglabas ng poultry products mula sa loob ng 1-km quarantine zone.
(Ulat ni Jonathan Andal)
