Seryoso ang mga binibitiwang kataga nang pagpatay ng Pangulong Rodrigo Duterte.
Binigyang diin ito ni Atty. Jude Sabio sa reklamong inihain niya sa ICC o International Criminal Court laban sa Pangulo.
Ayon kay Sabio, ang mga katagang “I Will Kill You” na madalas bitiwan ng Pangulo ay malinaw na paglabag sa batas at pinapatunayan naman ito ng mga testimonya nina Edgar Matobato at SPO3 Arturo Lascañas na umaming mga miyembro sila ng Davao Death Squad o DDS na pinangungunahan umano ni Duterte.
Ilang ulit na rin aniyang ipinagmamalaki ng Pangulo noon ang mga pagpatay sa mga hinihinalang kriminal sa Davao City na dahilan umano kay’at itinuturing na isa sa safest city sa buong mundo ang Davao City.
Katotohanan sa likod ng mga patayan dulot ng war on drugs ng Duterte Admin malalantad na
Malalantad na ang katotohanan sa mga nagaganap na patayan dulot ng kampanya ng gobyernong Duterte kontra iligal na droga.
Ayon ito kay Sorsogon Bishop Arturo Bastes matapos kasuhan sa ICC o International Criminal Court ang Pangulong Rodrigo Duterte.
Sinabi ni Bastes na naniniwala siyang magiging daan ang pagsasampa ng reklamo sa ICC para matakot ang mga opisyal ng gobyerno na nasa likod ng mga patayan sa bansa.
By Judith Larino
