Nakatakdang dalhin sa Zamboanga City ang naarestong bomb expert na miyembro ng Abu Sayyaf Group sa Isabela City, Basilan.
Ayon kay Western Mindanao Command Spokesperson Captain Jo-an Petinglay, nakatakdang i-proseso ang mga kasong isasampa laban kay Rahim abdul Alyas Aman Kabalu na sangkot sa ilang pagpapasabog na naganap sa Zamboanga, Basilan, Sulu at Tawi-Tawi.
Positibo naman si Petinglay na mas marami pang miyembro ng teroristang grupo ang maaresto o kaya naman ay susuko na sa mga awtoridad.
“Marami na po ang nag-surrender na Abu Sayyaf mula pa noong January this year, alam naman natin na pinakamalaking factor doon kung bakit sila sumusuko ay yung wala na silang safe na mapagtataguan at yung komunidad mismo ang nag-rereport kung aino ang mga miyembro ng Abu Sayyaf sa komunidad nila.” Pahayag ni Petinglay
(Ratsada Balita Interview)
