Nilinaw ng isang senador na hindi exempted ang mga babae sa panukalang mandatory Reserved Officer Training Corp (ROTC) sa kolehiyo sa unang tatlong buwan ng 2023.
Ayon kay Senador Ronald “Bato” Dela Rosa, walang pinipili ang bala at ipinaglalaban din ang gender equality ngayon.
Tiniyak naman ni Dela Rosa na lalagyan ng mekanismo ang panukala para maprotektahan ang mga babae sa pang-aabuso.
Sa ngayon, tiwala ang senador na aaprubahan ng kongreso ang panukala lalo’t sertipikado ito ni Pangulong Bongbong Marcos bilang urgent measure.
Matatandaang sa ilalim ng panukalang batas, oobligahin ang lahat ng nasa kolehiyo sa una at ikalawang taon, na sumailalim sa military training at civic duty tulad ng paghahanda at pagtugon tuwing may kalamidad at sakuna.
