Ilalabas na sa lalong madaling panahon ang peso bill na may lagda ni Pangulong Ferdinand ‘Bongbong’ Marcos Junior.
Ayon kay Felipe Medalla, Governor ng Bangko Sentral ng Pilipinas (BSP), itatampok din sa bagong salapi ang kaniyang pirma.
Inaasahang ihaharap kay Pangulong Marcos ang bagong perang papel, sa una o ikalawang linggo ng Disyembre.
Mananatili naman dito ang disenyo ng New Generation Currency (NGC) Banknote Series, upang hindi madaling magaya at mapeke.
Ang NGC Banknotes ay nasa sirkulasyon na ng bansa simula December 2010.