Pupuntiryahin ng mga police snipers ang mga drone na maiispatan sa paligid ng SMX Mall of Asia sa Pasay City.
Ito ay kung mayroon pa ring magpipilit na magpalipad ng drone para makakuha ng magandang anggulo sa pagdarausan ng Miss Universe beauty pageant bukas.
Ayon kay albayalde, idineklara ng no fly zone ang paligid ng Mall of Asia kaya dapat na sumunod ang publiko.
Ang mga snipers ayon sa opisyal ay kabilang sa mga magpapatupad ng kaayusan sa seguridad at kaligtasan ng lahat ng manonood sa Miss Universe beauty pageant.
Seguridad sa Miss Universe Pageant kasado na
Kasado na ang seguridad para sa Miss Universe coronation bukas ng umaga sa SMX Mall of Asia , Pasay City.
Sinabi sa DWIZ ni PNP-National Capital Region Police Office Director Oscar Albayalde na wala silang nakikitang banta sa seguridad pero hindi pa rin dapat na maging kumpiyansa ang mga otoridad.
Naitalaga na aniya ang mga pulis sa loob ng venue at sa labas para matiyak ang kaayusan sa inaabangang aktibidad.
By: Aileen Taliping
