Pormal nang nilagdaan ni Pangulong Rodrigo Duterte noong January 11 ang Republic Act 11643 na nagbibigay ng survivorship benefits sa mga lehitimong naiwang asawa at mga anak ng isang retiradong miyembro ng national prosecution service.
Nakasaad sa Section 1 ng RA 11643, na karapatan ng bawat naulilang pamilya na makuha ang mga benepisyong tinatanggap ng mga retired member ng NPS.
Kabilang sa mga ito ang pamilya ng mga retiradong piskal na nakatalaga sa DOJ, regional prosecution office at mga nasa prosecutors office ng bawat lunsod sa bansa.
Maaari lamang na mahinto ang pagtanggap ng nasabing benepisyo kapag muling nag-asawa ang biyuda ng isang retiradong pensioner.
Matatanggap naman ng pamilya ang survivor benefits na ito makalipas ang isang taon ng pagpanaw ng isang NSP retired member.
Kukunin naman ang pondo para sa benepisyong ito sa taunang national budget.—mula sa ulat ni Jopel Pelenio
