Fully-booked na ang halos lahat ng bus na biyaheng probinsya.
Napag-alaman sa ilang pasahero sa Araneta Bus Terminal na isa hanggang dalawang linggo bago ang biyahe ay bumili na sila ng ticket dahil inaasahan na nila ang punuang biyahe sa mga bus.
Nagtataka naman si Aling Susana Prado kung bakit mas mahal ang nabili nyang ticket pauwi ng Aklan ngayong taon kumpara noong isang taon gayung wala namang abiso ang gobyerno.
Ayon kay Aling Susana, P1,000 lamang ang ticket patungo ng Aklan noong nakaraang taon samantalang abot na ngayon sa P1,200 piso.
Gayunman, sinabi ni Aling Susana na kinakagat pa rin nila itong mga pasahero dahil sa kagustuhang makauwi ng probinsya.
By Len Aguirre | Jopel Pelenio (Patrol 17)
