Bumubuti na ang kondisyon ng dalawang sundalo na nasugatan sa isang anti-drug operaton sa Datu Paglas, Maguindanao.
Ipinabatid ni Lt. Col. Harold Cabunoc, Commander ng 33rd infantry battalion na sumasailalim pa rin sa medical treatment ang dalawang nasabing sundalo, bagamat ang isa ay hirap pa rin makalakad.
Ni-raid ng pinagsanib na puwersa ng PDEA-ARMM at mga miyembro ng 33rd IB ang dalawang safe house ni Abdulatip Pendaliday alyas Commander Grass Cutter sa gitna ng isang banana plantation sa barangay Lipao.
Si Pendaliday ay isa sa mga hinihinalang bigtime druglord sa Maguindanao na sumuko na sa Oplan Tokhang noong nakaraang taon.
By: Meann Tanbio
