Namayagpag ang mga bar examinee mula sa mga probinsya sa 2016 bar examinations.
Ayon kay Bar Confidant, Atty. Christina Layusa, ito ang kauna-unahang pagkakataon na walang nagtapos mula sa mga law school sa Metro Manila na nakapasok sa top 10.
Sa top ten examinees, apat ay graduate mula sa University of San Carlos sa Cebu, tatlo ang mula sa Siliman University sa Dumaguete, Negros Oriental; isa mula sa Andres Bonifacio College sa Dipolog City, Zamboanga Del Norte;
Isa mula sa Ateneo De Davao University; isa mula sa Northwestern University sa Laoag, ILOCOS NORte at isa mula sa University of Batangas.
Kasabay nito, inanunsyo ni Layusa na maari nang iproseso ng mga bar passer ang kanilang clearance sa office of the bar confidant mula Mayo 8 hanggang 21.
Ang clearance ay kailangan para sa panunumpa ng mga bagong abugado sa Mayo 22 sa Mall of Asia Arena, Pasay City.
By: Drew Nacino / Bert Mozo
