Pinaboran ng Metro Manila Mayors na cash na lang ang ipamamahaging ayuda sa mga residenteng maaapektuhan ng pag-iral ng ECQ sa Metro Manila.
Ayon kay Marikina City Mayor Marcelino Teodoro, kahapon ay nagusap-usap silang mga alkalde at nagkaisa silang iisa na lang ang uri ng pagbibigay ng ayuda at ito nga ay cash assistance.
Ngunit ani Teodoro, nababahala siya sa mga nadagdag na nangangailangan ng ayuda dahil tiyak aniyang mas maraming naging mahirap ngayon dahil paulit-ulit at mahabang ECQ ang nangyayari.
Kaya naman dapat aniyang payagan ang mga lokal na pamahalaan na gamitin ang dating listahan ng mga benepisyaryo ng ayuda.
