Inilabas na ni Pangulong Rodrigo Duterte ang memorandum na nagbabawal sa mga cabinet official na dumalo sa Senate hearing kaugnay sa procurement ng gobyerno ng umano’y overpriced pandemic supplies ng Pharmally.
Inanunsyo ito ni Pangulong Duterte sa kanyang taped talk to the people, kagabi kung saan muli niyang binanatan si Senador Richard Gordon, Chairman ng Senate Blue Ribbon Committee, na nangunguna sa imbestigasyon.
Wala anyang masama sa imbestigasyon, pero hindi niya papayagan ang pambabastos sa mga resource person at hindi na dapat pang kaladkarin sa issue ang mga miyembro ng gabinete, lalo ang mga nangunguna sa pandemic response.
Pinayuhan naman ng punong ehekutibo ang mga senador na magsampa na lamang ng kaso sa korte sa halip na ubusin ang oras ng mga government official na dapat ay nakatutok sa kampanya kontra COVID-19.—sa panulat ni Drew Nacino
