Imumungkahi ng Philippine National Police-Highway Patrol Group (PNP-HPG) sa mga alkalde sa iba’t ibang lungsod sa Metro Manila na magtalaga ng common parking area sa bawat barangay.
Ayon kay PNP-HPG Spokesperson Supt. Oliver Tanseco, ito’y upang wala nang paparada sa Mabuhay Lane at nang magkaroon ng paradahan ang mga motoristang walang sariling garahe.
Maaari naman aniyang kausapin ng mga alkalde ang mga may-ari ng mga bakanteng lote o building na ipahiram muna ito o kaya’y parentahan para gawing paradahan.
Sa sandaling matapos na ng PNP-HPG ang pakikipag-usap sa mga lokal na pamahalaan, sinabi ni Tanseco na ipahahatak na nila ang mga sasakyang pumaparada sa Mabuhay Lane.
By Jelbert Perdez | Jonathan Andal