Nagresign na bilang kalihim ng Department of Public Works and Highways (DPWH) si Mark Villar epektibo bukas, Oktubre 6.
Ito’y makaraang i-anunsyo ng PDP-Laban kahapon na tatakbo si villar sa pagka-Senador sa 2022 elections.
Ayon sa kalihim, nagpaalam na siya kay Pangulong Rodrigo Duterte at kanyang ipinagmamalaki ang karangalan sa buhay na maging bahagi ng DPWH.
Kabilang si Villar sa apat na cabinet member na tinukoy ni Energy Secretary Alfonso Cusi, Head ng PDP-Laban faction, na kakandidato sa pagka-senador sa halalan sa susunod na taon.
Oktubre 1 nang magsimula ang filing ng Certificates Of Candidacy ng mga kakandidato sa 2022 polls habang magtatapos ang paghahain nito sa Biyernes, Oktubre 8.—sa panulat ni Drew Nacino